Rebecca 的部落格

表妹移民在即，真的捨不得由細玩到大的好表妹，所以約她吃餐飯傾下偈，她提議到    黑門水產すいさん 吃晚飯。

介紹番呢杯唔知叫做 "Heart of the Deep Sea" 定係 "Deep Sea of the Heart" ($68/杯)，我問女店員呢杯係咩味或者係用乜嘢材料溝出來？佢答我係水果味！係用水果溝出來的！唔該晒！

我叫咗嚟飲，係西柚味，酸酸地幾清新，我和表妹實在有太多嘢傾，所以傾到口乾，有再encore！

炭燒雞泡魚乾 ($88)，味道正常

油甘魚刺身($88)，味道正常；而我想點嘅三文魚腩就無貨啦！

本來想點唔知咩帆立貝又係無貨，咁就點燒蠔($78/隻) 啦！好大隻，味道都係正常。

點了必食的膽蟹味噌甲羅燒 ($88/個)，味道較出色，餅乾可以免費refill！

胡椒豬骨豚肉鍋($128)，本身不太喜歡胡椒味，覺得胡椒味搶晒其他食物的味道。

我覺得不太飽，所以再點了個北海道海鮮丼($158)，新鮮度一般。

二人食了$1151我覺得不太值，因為這價錢可以去吃放題，可以吃到更新鮮更靚的食材，來幫襯的香港人應該是因為去不了日本而想食居酒屋/屋台Feel的東西而選擇來這餐廳，以解想念日本的鄉愁吧！

食物是其次，和表妹傾餐飽才是重點！真係傾到喉嚨痛！