Rebecca 的部落格

這是我第三次幫襯這間自助餐廳！雖然食物的種類不算多，但是全都是我最愛吃的：有各種烹煮方法的牛、鵝肝、羊扒、燒菠蘿、五種來自不同產地的即開生蠔、各種魚生……講得出都已經那麼多款式，其他Appetizer 及熱盤都已經不再重要了。我真係睇得出佢哋係好有誠意供應D靚嘢俾大家食，而唔係一味夠多款但唔好食囉！

其實我仲想講，佢哋仲有供應蟹腳，雖然我唔鍾意食蟹，但有好多人一攞就攞咗十幾隻番去擦！我更加從鄰桌的女士學到如何最快最完整地開蟹腳呢！

赤貝好爽！

我食咗20隻！

好好味！

甜品就有牛奶布丁及心太軟，都是必吃推介，我亦都係唔太鍾意食甜嘢，因我家族有糖尿病，但係我都每樣食咗一個啦！我哋幫襯嗰日係情人節附近的日子，所以有師傅即場在心太軟的碟上用朱古力寫字添！不過我哋比較實際，與其排隊等寫字，不如立即襯熱攞件返去吃啦！

埋單每位 $368加10%，依個價錢喺今時今日真係唔算係乜嘢錢啦！一般食自助餐都要依個價錢啦！但我哋都係間中有D喜慶日子先出來吃一次，當奬勵下自己！