Rebecca 的部落格

以前d朋友鍾意北上吃日本放題，話平喎……自從人仔升值，今時今日我在香港用更平的價錢都可以吃到不俗的質素吧！本港的日本放題餐廳有很多，我以前吃過幾間，燒物間間都差不多，最能夠一分高下的可說刺身了。

第一及第二輪刺身賣相都不俗

尖沙咀金田不俗，但很難book位，好耐無去；松屋都幾好，但宜家搬咗無去過；尖沙咀青葉、漁屋刺身唔新鮮同無魚味，唔得；我最鍾意都係石澗，寶勒巷同厚福街兩間都去過。在Openrice網上見到食評一般，大部分都係批評員工態度唔好，有一篇是我寫的，都係批評員工態度唔得，但除咗員工的態度有問題，我去過超過6次，我都覺得食物質素好得喎！

豬肉生薑燒及炒什菜

燒牛肋骨 

壽司的飯不會好大件

燒牛脷、燒帶子及金菇牛肉卷

 燒魷魚及燒雞翼都好入味 蒸蛋偏咸

天婦羅和炸雞軟骨好得

燒雞軟骨都好味

牛肉鍋的牛肉很有牛味, 不肥

我真係好真誠咁希望石澗嘅老闆可以加強下對員工嘅培訓，例如有傳菜員工見我張枱放滿晒食物，無位置放佢碟食物，佢會張碟食物放係我自己隻碟上面囉！宜家d年青人係咪唔識用個腦思考及解決問題呢？點解唔諗下先收咗枱上用完的碟，而直接張碟食物放喺個客人用來盛載食物隻碟上面？

出菜都係一個問題，我哋叫刺身要等十五分鐘以上都未有得食，而叫燒物及熟食等就立即源源不絕地奉上，老闆是否想策略上等客人食熟食食到飽飽，就不會叫刺身呢？其實你越係出咁嘅招數，d客人越係心有不甘，寫多幾張刺身單，咁咪叫得仲多！

最近兩次去厚福街分店食，我都覺得因為出菜慢所以食得好趕，同埋好嘈，都係寶勒巷店感覺較好。

其實石澗的食物質素真係不俗，刺身的件數跟我填寫的差不多 ( 其他日本放題店會將刺身數量自動打折！) 壽司的飯量不會好多，其他食物如雞軟骨、牛肋骨、羊扒等燒物都好味值得再encore，希望老闆加強員工的培訓，同埋彈性地調整放題的時段，一晚做三輪放題，會變咗同一時間有好多客人叫食物，變相令客人等得很久。倒不如將時段彈性化，以入座時間起計兩小時，一樣可以做三輪客，以入座時段分三種價錢，這樣客人不會在同一時間一窩蜂叫食物，員工及客人都有揣息的時間。

如果石澗再唔改善下管理及經營手法，我好可能從此就black list這間食店了，反正日本放題多的是。