Rebecca 的部落格

上星期六(10月27日)，我外婆生日，我們到將軍澳新都城海港酒樓吃晚飯($32XX一圍全包，平日會平啲！)
今個星期六(11月3日)，我男友的媽媽生日，我們到大埔新達廣場海港酒樓吃晚飯 ($3988一圍全包，假日平日同價！)

首先講一講將軍澳新都城海港酒樓，我們訂了兩圍枱共28人。

食評如下：-

(1)    乳豬皮脆，但略肥，肉不多。

(2)    大蝦伊麫，蝦好大隻好爽，每人有兩隻以上。

(3)    熱薰可選兩樣，選了海鮮雀巢和蟹蚶。海鮮雀巢不是一般食的雀巢，不知道是什麼材料做的，海鮮好足料，有帶子、蝦、花枝片等配埋西芹，蝦好大隻好爽，正；蟹蚶的外皮不是一般食的麪包糠，感覺無咁熱氣，都香口好味。

(4)    魚翅入面都有好多蝦 (宜家唔知係咪蝦當造？)，味道適中。

(5)    花菇扣黃肉參，花菇一般，肉參太淋無咬勁，上菜賣相差。

(6)    蒸魚有點過熟，豉油少得可憐。

(7)    炸子雞係全晚最失敗之作！我本人好鍾意食炸子雞，最期待係呢味菜色！但我一食已經知道係將賣剩嘅白切雞攞去再炸，我夾咗件雞脾食都覺得極難食，完全無雞味，好唔得！唔好以為用這個技倆就可以蒙混過骨，好失敗！

(8)    松子紅米炒飯，我無食過，但看賣相應該可以。

(9)    水餃，都係嗰句：蝦好大隻好爽，皮很薄。

(10)甜品是紅豆沙和大壽包，紅豆沙太甜但有起沙效果；壽包就內有奶黃及蓮蓉餡(均沒有咸蛋黃)，但不是平均的，每籠只有4個奶黃餡但有10個蓮蓉餡，大家都爭住食奶黃餡！

(11)生果盤有西瓜及菠蘿。

值得讚下：份量好足，蝦好多。價錢合理。

需要改善：炸子雞、蒸魚及壽包。

題外話：

有間房等如無間房，私隱度零分！

一枱人之中，有四個人的碗因有食物殘渣要換過！潔淨度零分！我接受唔到囉！

現在講講大埔新達海港

食評如下：-

(2)    熱薰可選兩樣，選了西芹蜜豆鮮螺片炒花枝和百花炸蟹蚶。西芹蜜豆鮮螺片炒花枝，螺片和花枝少得可憐，一般；蟹蚶評價同上。

(3)    花菇扣黃肉參，花菇大隻，肉參則很大條及有咬勁，好味。

(4)    雞煲翅講明係足20両翅，侍應特意把整碟翅捧上枱讓我們看看才分，其實我本人不太明白點解中國人那麼喜歡食翅，其實翅本身是無味的，是加入雞就有雞味，加入火腿就有火腿味，所以我對魚翅的評價是：味道適中，碗翅放涼了會腥，希望大家可以少d食翅，保護瀕危動物。

(5)    蒸魚時間剛剛好，整條被我們食清光。

(6)    清蒸八頭鮑魚，好大隻，但味道一般，好un，食唔晒要打包。

(7) 炸子雞弄得不錯！但由於大家已吃得很飽，所以只吃了數件就要打包！

(8)    紅米炒飯，我無食過。

(10)    甜品是大壽包，壽包就內有奶黃及蓮蓉餡(均沒有咸蛋黃)，有黃點的是奶黃餡，其餘是蓮蓉餡，奶黃餡和蓮蓉餡各有擁躉！

(11)    生果盤有西瓜及橙。

由於小朋友多，我們打包了吃剩的食物，一點也不浪費。埋單比上星期食的菜單貴大約$700，菜單大部分相同，不同的是有鮑魚及雞煲翅，我覺得上星期的菜單其實已經很不錯，真的，吃飯最緊要不是吃得名貴，而是吃得開心。

 

值得一讚：乳豬好好味，服務不錯。

需要改善：西芹蜜豆鮮螺片炒花枝。

兩間海港比較，整體味道及清潔程度，大埔新達海港勝。