Rebecca 的部落格

當大家都在淘寶遇過無數伏或與親溝通不到的時候，其實可以考慮向世界出發！今次要介紹的ASOS網站其實好多人都認識，最大優點是免運費和免費退貨。但我想講如果你想一邊購物一邊賺Milage，其實可以登入亞洲萬里通網頁，進入i-shop就可購物之餘更可賺里數，雖然唔係好多，但總算積少成多啦！

 

這個網站有幾個系列，適合不同身型的人士！Petite適合身型嬌小的女士(5’2”以下)；Curve適合身材更肥胖的女士；Tall適合5’9”以上；Maternity就是孕婦；沒有特別註明就是適合中等身材啦！

 

提提大家，睇中好快快下單，因為放落購物車(Cart)後，系統會替你保存1小時，1小時內都未下單，系統會自動將這件貨放入你的Save Item，亦即是放回入公海，有世界各地的美女和你爭這條裙㗎！我都試過幾次因為諗太耐所以俾別人買咗心頭好，亦試過失而復得！所以我的策略是即使見到件貨宜家係Out of Stock，都唔好失望住，亦唔需要咁快Delete呢件Item，話唔定1個小時後，它又變番有貨㗎啦！

 

 

呢條就係我失而復得的裙子，我本身著開14碼，這條裙子最後剩番12碼，都搏一搏啦！果然啱身(好開心！)

 

帶往捷克CK小鎮拍婚照

 

特價貨品數量真係唔多，你可以按Size Guide找適合你的尺碼。

 

可能我真係瘦咗一個碼，以往著14碼的我，穿這條裙子有鬆呢！

 

普通郵寄都十分快捷，由落單到送達只需7天咋！

 

 

以下亦是我失而復得的裙子，超級有仙氣，但這是Tall 系列，即是適合5’9”以上的高妹，圖中的模特兒有5’11”！我本身5’6”著對3”高跟鞋勉強達標啦！加上又只剩下12碼，所以我膽粗粗落單，諗住唔啱都可以退貨嘛！點知收到貨後好滿意，真係剛剛好！(圖中的我著平底鞋) 當然，若我再減下肚腩會更加美麗啦！

 

帶往奧地利 Hallstatt 拍婚照

 

 唔覺唔覺2個星期內買咗4條裙！

 

 

另外，好多人都擔心網購返嚟唔啱身或者唔鍾意，退貨係咪會好麻煩？大家買過淘寶都知道喺淘寶買嘢，要退貨退款，難度系數係10！但在ASOS網站買嘢退貨退款，難度係0！仲要係完全免費！話說我買了一條白色Tube Dress想作為輕婚紗作拍攝之用，模特兒真係著得好靚(人家是模特兒嘛！)但我著上身成個水桶咁，無奈只好退貨。

 

 

以下有圖解教學：

 

登入之後找尋My Order版面，然後按View Order(紅色箭咀)，記住自己的Order No.(紫色箭咀)

 

按Create Return(紅色箭咀)

 

填妥所需資料，如果同一張Order 要退多於一件貨品，請按新增物品(紅色箭咀)，完成之後按下一個。

 

按圓點免費鍵，及選擇7-11的店舖地址，之後按下一個。

 

到達完成版面，請列印PDF的退貨單。貼在ASOS膠袋上，把膠袋封口。

 

 

把貨物拿到指定7-11做退貨手續，店員會收下包裹，請保留7-11單據。

 

大約7天會收到電郵告知你已收到該件貨品，之後就等候ASOS款項退回你的信用卡。