Rebecca 的部落格

*  *  *  *  *

整個七天的旅程，A小姐每天都要接 Urgent Job！我問她是什麼Job？A小姐跟我說是為一位基督徒弟兄做的，關於聖經的教導，每天都要做的，他是國泰員工，這幾天他要離開香港而沒有時間做，所以搵A小姐幫手做。

OK無問題，我都係基督徒，我明白她在做的是什麼，不過我的疑問是：為什麼你不告訴那位弟兄你也正在海外放假呢？旅程中段，那位弟兄已從海外回港Stand-by，咁做咩仲要A小姐做這些工作呢？

我見A小姐無論行街、搭車、浸緊溫泉、在酒店房、在餐廳食飯……任何時間都在拑電話，我覺得好無癮！這真是我的親身感受，因為旅行是要一起交流的，她任何時間都對住部電話，那同我一個人自己旅行有什麼分別呢？

搭JR


搭新幹線

浸溫泉

食緊飯

      

返到酒店房

到了第六日食早餐，我將我的感受跟A小姐說：「我見你日拑夜拑部電話，無時間玩，難道你不覺得那位弟兄很不負責任嗎？」

A小姐說：「這是為神而做的，不覺得是浪費時間！而且那位弟兄已經連續做了半年，就是這幾天剛好唔得閒先至由我來做的！」

我說：「你那位弟兄留在香港Stand-by都叫做唔得閒？我覺得佢利用緊你嘅善良囉！」

A小姐說：「你都唔認識那位弟兄，你無資格批評那位弟兄！佢做咩唔得閒，我唔需要同你解釋，總之我所做的是為神而做的！我就算唔拑電話，我都係瞓覺架啦！我都無影響到你。」

我說：「我唔係批評 (adverse comment) 佢，我只係comment佢，呢個 comment 係 neutral 的，係我個人感受，因為你不停咁拑電話，真係影響到我旅行嘅心情同埋情緒！」

A小姐停一停，然後說：「原來我影響咗你，真係唔好意思。」原來佢真係唔知道佢影響緊我。

*  *   *  *  *

仲有好多好多鎖碎事、好多不同意見……

總之今次旅程，我覺得唔係好開心，唔係好盡興，我只做到原本計劃的一半行程；亦唔夠時間購物，因為過程當中你等我，我等你的時間實在太多。連上機前，我在離境處盡最後努力在免稅店買手信 ( 因為之前真係無時間買！) 我同佢講話“飛機上面等”，佢都誤會咗“喺等上飛機度等”！