Rebecca 的部落格

 

(第二天使用Kanto Area Pass)

今天B小姐另有行程，晚上才到輕井澤 join 我們，我早上先浸個私人展望風呂 ( A小姐話想瞓耐d，所以得我一個人浸咋！)

 

 

早上浸溫泉仲凍過晚上浸呢 !

 

 

 

左上角的藍色屋就是海洋市場

 

裙子$79.90 淘寶


原本想先乘坐列車到城崎海岸駅看門脇吊橋，但是我們去到伊東駅，有一架列車剛到，我又唔 confirm 係唔係嗰架車？所以猶豫沒有上車，點知原來真係嗰架 …… 就係咁，我好傻咁目送架列車離開 …… 下一班車要等一個小時 ……

好唔開心之際，我們決定乘的士到附近的海洋市場 ( 跳咗一下錶都要 800 yen呀！)我們在這裡拍拍顏色鮮艷的房屋，再入去逛逛售賣乾貨濕貨的店舖，我買了一個花花杯 (1,050 yen), 之後就乘坐返伊東駅的巴士 (160 yen)，再趕緊乘坐列車了！不可再miss班車啦！

在列車上遇到一位識英文的婆婆，我問問佢關於我 plan 咗的行程，佢話由城崎海岸駅步行往門脇吊橋是很遠的，最後，我決定放棄前往這個景點，改為去伊豆高原駅再乘巴士 (360 yen)往大室山。

 

大約半個鐘車程到達伊豆高原駅，同樣地，我目送前往大室山的巴士離去 …… 下一班巴士又要等一個鐘！
 

我們只好在伊東高原駅附近的紀念品小檔口逛逛，這裡原本也是賞櫻景點的 …… 不過係一個星期前囉！宜家去到已經無櫻花睇啦！

從日本櫻花網站顯示, 4月1日櫻花是滿開的, 今天已經......

去到大室山腳已經十二點九，乘坐只有四分鐘車程的登山纜車 (來回500 yen) 到山頂，一個鐘頭後返落山，發現有一班車可直接返回伊東 ( 690 yen, 而不是伊豆高原 )，雖然要坐40分鐘，不過計落條數，可以早一點返回伊東的溫泉酒店取回行李，仲夠時間坐低食午餐，再繼續行程呢！

 

 

 

 

 
在伊東駅對面食咗一碗天婦羅冷烏冬 (1,750 yen ) 出奇地好味！好滿足！

 

 

 

 

之後就乘踊子列車回橫濱取行李，再乘 JR 往東京，再坐長野新幹線往輕井澤了。
 

到達輕井澤已經是晚上七點半，我們先到 APA酒店 check in，該酒店只距離輕井澤駅大約五分鐘路程，但當時正在下雨，天氣變得很冷，我們仿佛走了十五分鐘才到達酒店。我們A小姐做埋手上的 Job 才出去逛逛，但所有店舖都已經關門，我們吃了一頓很難食又貴的"光州燒肉" (8,110 yen, 在outlet附近)，之後回酒店休息。

特上和牛都唔係好"特上"吧!

唔好味的冷麪

似薄餐的海鮮燒餅

由於B小姐在昨晚才說 join 埋一齊住, 所以我立即在www.jalan.net 改訂了三人房，有 wifi 提供，每位 4,900yen ( 每位加 1,300 yen 有早餐 )，B小姐大約晚上十點先到酒店，原來她今早在池袋的旅館 (和五個陌生人 share 房間那種 ) 發現遺失了一副 GUCCI 太陽眼鏡，搞到要報警。但佢話日本警察查案真係好兒戲，又唔使落口供，又無報案編號，都唔知可否 claim 得番保險？