Rebecca 的部落格

2013年4月3日 (星期三) 天陰有雨

第一日坐早上 10:20 CX520國泰飛機去東京，我九點鐘到，我的同伴A小姐九點先從屯門出門口！我等到 09:45，個國泰 check in counter 已空空如也，我見佢仲未來，我就走到 counter check in 及寄倉先，但因為機票是二人同行，佢唔來，我都不能出發！ 而且我有行李要寄倉，地勤小姐話我朋友未到，唔俾我寄倉，要 close counter la ! 終於地勤小姐網開一面，俾我寄倉，但我朋友就無得寄啦！

A小姐十點來到，地勤已離開，佢話呢件行李可以“的”上機當 hand carry!

A小姐仲講：「我真係唔信佢哋唔俾我上機囉！」

我有點無言以對……

 

下午四點到成田，我們先到JR東日本的櫃檯買 Kanto Area Pass (8,000 yen) 及 NEX+SUICA (5,500 yen) ，然後就乘坐NEX到橫濱，大約個半小時到達橫濱，再轉兩個站JR到關內駅，到達位於關內駅約三分鐘路程的 Comfort Hotel (6,000 yen/ 房包二人早餐 ) 是大約七點。

 

 

 

 

 

 

 

A小姐的一位同事 (B小姐) 自己一個來日本，於是在酒店 join 埋一齊玩。我都覺得無問題，反正一齊玩幾天，都不會對行程有太大影響。

A小姐同我哋講，佢接咗個 urgent job，要做埋先可以出去食飯。

就係咁，我同B小姐在酒店呆等佢到晚上九點鐘，我哋至出去食飯。

我們先到附近一間壽司店吃壽司，我們叫了套餐 (每人3,265 yen)，看著店長即叫即做，充滿期待。點知……味道一般，可能由於時間太晚，所有食材都變得唔新鮮了……

 

 

 

 

 

A小姐嫌唔夠喉，我再和她到附近的燒肉店食燒和牛，而B小姐則先行返池袋的旅館休息。意想不到的是，這間燒肉店的質素十分好，裝潢企理，侍應亦很耐心地推介店內的美食，而往往他所推介的東西都不是最貴的。我們叫了四碟和牛的各部份，埋單都只是 5,377 yen 而已！收費便宜！

 

 

 

 

 

 

 

 

  

食完飯已經十一點，由於A小姐話佢昨天早上四點至瞓 ( 其實關我咩事？你自己執到咁夜之嘛！) 所以要返去酒店休息，因此，我們錯過了欣賞橫濱夜景的機會……