2013年4月8日 (星期一) 晴天
今天食過早餐，就乘坐JR中央線(快速)到立川，再轉青梅線到西立川 (車費450 yen 車程約一個小時，此站不適用於JR 1-day pass) 的昭和紀念公園賞櫻花(入場費400 yen)！
司機哥哥在行車途中經常做出手指向前的動作, 不知道有何意思?
立川駅轉車到西立川, 留意月台位置 (番線)
這個公園好大，不單只有櫻花 (園內大部分的櫻已經凋謝！)仲有鬱金香、玫瑰和芝櫻等，好值得去！沿途仲見到很多媽媽帶住小朋友，或者一大班老友記去野餐呢！
一棵櫻花樹開出三種色的櫻花, 明顯是混種!
冷衫淘寶 $99
裙子 Antiqua 5985 yen (昨天買) 
在公園內遇到正在甜睡的貓咪
紫紅色櫻花
花瓣飽滿的櫻花
已經凋謝的櫻花
好大片鬱金香田啊 !
狗仔都打扮得靚靚來散步!
從日本櫻花網頁顯示, 這裡的櫻花3月31日已經滿開......
現在的櫻花已經開始凋謝......
有彈床供小朋友玩耍
這公園也有小火車免費接載遊人參觀 (行一周要50分鐘, 可見公園有多大!)
行咗兩個鐘頭，影咗好多花，好滿足，跟住我哋就乘JR去吉祥寺逛街。
豬扒下面是一碗飯, 加埋個烏冬 690 yen, 好飽
吉祥寺街頭
無乜嘢行嘅商店街
一心想跟杜如風本書去搵700 yen的古著，但係都搵唔到，這一帶的店舖亦不太吸引。A小姐話要找間Café 坐低做佢嘅job，我就喺附近逛一陣。本來下午四點半已逛完，想去搵A小姐，但我由街頭行到街尾，來回行咗三次都搵唔到間Café！我於是周圍問人借電話、借電腦 ( 因為我無電話喺身 )，想用電郵通知佢返酒店等，我返到再send 多一次電郵俾佢，我又無key返酒店房，只好在lobby等佢，等到七點，佢嬲爆爆咁話我仲乜自己返來新宿？我話我真係唔知點解搵唔到間Café？ I am so sorry……
之後，我們到新宿的地下街EST 逛逛，我買了一件米色的針織外套 (日本製造， 6,720 yen) ，質料好好，唔會走線。
再到酒店附近的屋台 ( 即係大排檔 ) 食燒海鮮，好新鮮，好好味，埋單都係 6,184 yen咋！
燒魷魚好好味!
這個蟹蓋其貌不揚, 但是堅好味!
帆立貝送上枱時仲識得郁, 好新鮮!
大蝦及白貝燒得太耐, 但無損鮮味
鯛魚壽司, ok
吞拿魚刺身d肉散開晒, 唔新鮮!
留言列表
