2013年4月7日 (星期日) 晴天
酒店的套票不包括早餐，要吃早餐就每人要加 800 yen，這個價錢比昨天 1,300 yen 相比確係抵好多！吃完早餐，就趕快出去新宿 shopping 啦！
但係，A小姐一見到有間十層高嘅書店，就第一時間走入去，我以為佢好快睇完啦，點知佢一睇就睇咗成個鐘頭，早知我就過隔離伊勢丹等佢啦！佢真係從來都無諗過我嘅感受！我在書店等咗佢一個鐘頭，我都不禁串佢：「有無買到咩嘢書呀？」
A小姐答：「無呀！我上去睇d英文書之嘛！」( 咁點解你唔返香港嘅書店先至睇嘅？！)
就係呢間書店 !
雜誌附送的包包在書店內拆開了給大家參考
原本想去的 0101 CURREN 無咗，就走咗去 0101本館逛逛。整個行程只有七日，實則六日( 早去早返，因為要遷就A小姐返學，佢話唔返唔得，我只 plan 咗1.5日時間 shopping，A小姐竟然嫌 shopping 時間太多！
其實逛街時間已經少之有少，A小姐仲要逐件驗屍般驗，試完又試，仲要用好流利嘅英文問d日本妹妹 “ Can I try this dress?” , “Do you have any other colour?”
其實想試身就 “I want to try” 、想要一件就 “One”、想要件新就 “New”、問有幾多種顏色就 “other colour?”… as simply as possible 就得，因為日本妹妹嘅英文係有限公司，你唔好用流利英文同佢講啦，唔該！同佢行一間時裝店要行足一個鐘頭，浪費好多時間。
行到兩點幾，A小姐買咗100,000 yen 嘅新衫換季啦！我仲係一件都未買！我哋到咗附近嘅蟹道樂食蟹，其實我真係唔鍾意食蟹，不過A小姐鍾意食就帶佢去食啦！
我這個餐 2,900 yen, 4年前在這裡食同一個餐, 都無加過價 !
食完之後，A小姐自行返回酒店做佢嘅 Job，我就自己乘埼京線到池袋，出咗PARCO左邊‘P 的Antiqua ，我以前在樂天網站經常買這間網店的衣服，因為覺得好型又不算好前衛。今次可以即場試身，真好！我一口氣買了兩條褲、一條長裙及一件連身裙 (All made in Korea)，18,900 yen，價錢算是十分抵了！(但由於是在商場仔買的，所以不可以退稅！)
著後感：真係好滿意，特別係條長褲(3,990 yen)，cutting好啱我，橡筋腰，質料很舒服，所以同一款我買了兩隻色！
以下為真人示範：
這條長裙子 (5,985 yen) 對於我來說有點短，但係都好鍾意它的設計和cutting。
本人比較高大，所以這件當作上衣 (4,935 yen)，如果身材矮小的可當作連身裙子。
之後，我行咗東武、西武，最後在池袋的 0101買了一個 Samantha Thavasa 的真皮 Shocking Pink 包包，以 44,887 yen (已退稅及打九五折！) 買了一個好似 Hermes 款的包包！好靚的！
買完嘢乘 JR返回新宿的酒店，和A小姐到附近的食店食魚生飯，但她說她叫的魚生唔好食，於是再到附近的拉麪店食拉麪呢！
A小姐的魚生飯 (880yen)
我的魚生飯 (1,250 yen)
即刻帶這個新ST包包出街 !
溫馨提示：有銀聯信用卡的記住帶埋去日本買嘢，因為我在 0101 用銀聯信用卡買東西有九五折，扣埋 5% 退稅的錢，即係九折，再加埋日元大跌……打多個八折，來日本買嘢好抵呀！
留言列表
